Беларускі ўніфармолаг (bka_by) wrote,
Беларускі ўніфармолаг
bka_by

Франц Кушаль. Людзі БКА


 

Францішак Кушаль

16.2.1895, в. Пяршаі, цяпер Валожынскі раён25.5.1968, Рочэстэр, штат Нью-Ёрк,ЗША

 

Павароты яго жыцьцёвага шляху дагэтуль змушаюць гісторыкаў распачынаць зацятыя спрэчкі. Паколькі "спрачаецца той, хто ня ведае " (Лао-цзы), засяродзімся на несумнеўных фактах. Франук усьвядоміў сябе беларусам вельмі рана. Ужо ў школе ён пашыраў сярод cяброў "Нашу Ніву ", а потым стварыў у Івянцы нацыянальную моладзевую суполку. У лістападзе 1917-га, маючы два баявыя раненьні і званьне штабс-капітана, Кушаль пакінуў расейскую армію і вярнуўся ў родныя мясьціны. Дачуўшыся,што ў Менску адчынілася беларуская кнігарня,ён пешкі вырушыў у няблізкую дарогу. Першым,каго сустрэў у кнігарні, быў паэт Алесь Гарун, які наладаваў падарожніку цэлы мех літаратуры. Трэба меркаваць,што падабраная яна была як сьлед,бо неўзабаве нядаўні баявы афіцэр завёў знаёмства з Антонам Луцкевічам, Янкам Станкевічам,Браніславам Тарашкевічам,Аркадзем Смолічам ды iншымi дзеячамi беларускага руху. Францішак Кушаль усё жыцьцё імкнуўся стварыць нацыянальнае войска як галоўную гарантыю незалежнасьці краіны. Гэтая мара прывяла яго ў 1919-м у Беларускую вайсковую камісію. Яму здавалася, што запаведная задума мае шанцы ўрэчаісьніцца ўва ўмовах нацысцкай акупацыі. У сакавіку 1944-га ён узначальвае Беларускую Краёвую Абарону. (Загад аб яе стварэньні быў, дарэчы, падпісаны 23 лютага, у той дзень, калі вялікая частка нашых суграмадзянаў з савецкага часу сьвяткуе іншае сьвята.) Праз год дывізія CC "Беларусь " на чале з палкоўнікам Кушалем прарывае нямецкі фронт і пераходзіць да амэрыканцаў. На эміграцыі ён робіцца адным з заснавальнікаў газэты "Бацькаўшчына", што выдавалася ў Нямеччыне, а апынуўшыся за акіянам, кіруе Беларуска-Амэрыканскім Задзіночаньнем.

Літаратура:
1.Уладзімер Арлоў. ІМЁНЫ СВАБОДЫ. (Бібліятэка Свабоды. ХХІ стагодзьдзе.)-Радыё Свабодная Эўропа / Радыё Свабода,2007 

 

 

 

Францішак Кушаль і Зьміцер Касмовіч–стваральнік беларускай службы парадку на беларускай смаленшчыне і беларускай браншчыне, на пахаванні Вацлава Іваноўскага.

Кушаль у шынэлі з наплечнікамі.

 

 

Францішак Кушаль і Юры Сабалеўскі. Кушаль на гэтым фотаздымку без пятліц у мундзіры, падобным на аліўкава-карычневы мундзір SA, з белай выпушкай на каўнеры. На левай кішэні мы бачым стужку да ўзнагароды для ўсходніх народаў у срэбры 2-й ступені з мячамі.





Узнагарода для ўсходніх народаў у срэбры 2-й ступені з мячамі. Мядаль Кушаля. 
 

 

Францішак Кушаль і Юры Сабалеўскі на могілках.

 

 



Францішак Кушаль і Мікола Шкялёнак. У Кушаля відны германскія наплечнікі капітана з дзвума зорачкамі.  



Пад час Другога Усебеларускага Кангрэса. У Кушаля на куртцы зьявіліся пятліцы з трыма зорачкамі. 


 

Мундзір SA. Прыкладна такі мундзір, толькі з выпушкай на каўнеры, насіў Франц Кушаль.

 

 



Subscribe
  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments