Беларускі ўніфармолаг (bka_by) wrote,
Беларускі ўніфармолаг
bka_by

Сталін бяз маскі

Газета Раніца, 19 сакавіка 1944 г, БЭРЛІН.

Сталін бяз маскі

Менск, 9-га сакавіка.–Праз Беларусь за апошнія дні пракацілася хваля ненавісьці супроць бальшавікоў. Гэта зрабілі даклады капітана савецкае арміі Ігара Капора, які, як мы ўспаміналі ў апошнім нумары нашае газэты, перабег да немцаў.
Гэты сьмелы ваяўнік, шэф 346-й разьведкавае кампаніі пры 253-й савецкай дывізіі пяхоты, у якім не загінулі людзкія пачуцьці, ня мог далей перажываць і глядзець на жудасныя зьдзекі сталінскіх катаў над жыхарствам забраных бальшавікамі раёнаў.
Аб гэтым дантэйскім пекле, зьдзеку і тыраніі расказваў капітан Капор беларускаму народу падкрэсьліваючы пры гэтым, што крамлёўская маскіроўка на тэму перамены бальшавізму шытая пярэстымі ніткамі і бальшавізм ня толькі што ні ў чым не змяніўся на лепшае для жыхарства, а наадварот–яшчэ болей зьдзічэў.
Дзе толькі паявіцца капітан Капор, ці гэта ў Менску, Баранавічах, Слуцку ці Слоніме, на рынку, залях, ці ў вялікіх фабрычных галях–цісьнецца людскі натоўп, каб собскімі вушамі пачуць страшную навіну з вуснаў навочнага сьветкі. Капітан Капор ня толькі бачыў собскімі вачыма тайны прыказ Сталіна, аб якім мы пісалі ў папярэднім нумары нашай газэты, паводля якога мае быць зьнішчаны ўвесь беларускі народ, але ён адначасна і быў сьветкай, ажыцьцяўленьня гэтага пляну на абшарах Беларусі, якія адышлі да бальшавікоў. Калі дайшло да прадстаўленьня сцэнаў, дзе гаварыў ён аб плачы і роспачы матак, якім сталінскія каты забіралі дзяцей–з грудзей прысутных вырываліся выклікі згрозы і прысяга на помсту.
Паводля дакладу капітана Капора, прымусова забіраных мужчынаў бяз абмундыроўкі абы-як узброеных, гоніцца на фронт, дзе яны літаральна ўсе знаходзяць сьмерць, як гарматнае мяса. Бурмістры, паліцыянты ці іншыя службоўцы самаўраду, якіх абвінавачваюць за ўдзел у працы пры адбудове Бацькаўшчыны–зразумела гэтае “ласкі” не даходзяць; іх долю канчае давешаньне ці стрэл у патыліцу.
Незвычайна вялікія кантынгенты харчавых прадуктаў зусім адбіраюць магчымасьці існаваньня старым і хворым, якія асталіся ў хатах.
Адзін стары селянін выцягваючы рукі прасіў забраць ад яго каровы, бо забраўшы ад яго ўсю пашу, прымушалі яго яшчэ дастаўляць малако. Зьдзек і цыніка бальшавікоў ня мае межаў.
Асабліва варта адцеміць, што паводля дакладу капітана Капора і сябры бандаў гэтаксама ня ўнікаюць зьнішчэньня. Бо-ж і яны не адно пазналі з запраўднае адбудовы і асягненьняў нацыянал-сацыялізму, які дзякуючы нямецкай арміі і самаўраду не адно карыснае прынёс Беларусі. Зразумела, што найменшая вестка аб гэтым не павінна дайсьці да бальшавіцкае арміі ці ў глыбіню савецкае дзяржавы.
З вуснаў капітана ізноў баларускі народ даведаўся, як выглядае “вызваленьне”, якое Сталін рыхтуе беларускаму народу.
Хто быў на мітынгах у Беларусі і чуў гутаркі жыхарства, іх запытаньні, і чуў адказы капітана Капора, для гэтага ўжо зразумелым будзе, што сталінская гульня і ўся ягоная мана не знаходзяць даверу ў беларусаў. Яны яго пазналі і пранікнулі да самага нутра ўсяе ягонае азыяцкае пэфідыі і подласьці. Адказ на гэта ўсё, беларускі народ дасьць ня словам, а чынам і зброяй.
Tags: БКА
Subscribe
  • Post a new comment

    Error

    default userpic

    Your reply will be screened

    When you submit the form an invisible reCAPTCHA check will be performed.
    You must follow the Privacy Policy and Google Terms of use.
  • 0 comments